Կարմիր գյուղ (Դռնավարզ), Սուրբ Աստվածածին եկեղեցու գերեզմանոց, տապանաքար № 3
Հուշարձան
Տիպային անվանումը
Տապանաքար Հատուկ անունը
Հովհաննես (Յոհաննէս) քահանայի տապանաքար Օգտագործումը՝ սկզբնական, հաջորդական և ժամանակակից
Գերեզմանաքար
Սկզբնական պատկանելությունը
Դռնավարզ (հետագայում` Կարմիր գյուղ)
Պահպանման միավորի անվանումը
Տապանաքար
Տեղագրական տեղեկանք
Շրջանը (գավառ), համայնքը
Պատմական Մեծ Հայքի Արցախ աշխարհի Մուխանք գավառ (հետագայում՝ Վարանդա), մինչև 2023 թ․՝ Արցախի Հանրապետություն, Ասկերանի շրջան։
Հեռավորությունը և դիրքը բնակավայրից
Տեղանքի բարձրությունը ծովի մակերևույթից
Բարձր է ծովի մակերևույթից 1200 մ։ Ջրագրությունը
Գտնվում է Վարանդա գետի ակունքամերձ հատվածից 4 կմ հյուսիս։ Նկարագրություն
Գտնվում է Սուրբ Աստվածածին եկեղեցու հարավարևելյան պատի տակ։ Միակտոր, սեղանաձև, մեծ ուղղանկյուն տապանաքար է՝ դրված երկաստիճան պատվանդանի վրա։ Զուսպ գծանախշերով զարդարված և ընդգծված քիվով այս տապանաքարի հարավային կողին առկա է հինգ տողից բաղկացած արձանագրություն։ Վերջինիս առաջին տողը փորագրված է քիվի վերնամասում, իսկ հաջորդող չորս տողերը զբաղեցնում են հարավային նիստի ողջ դաշտը. «(Ի ս)մին տապանի ամփ(ոփե)[ա]լ դնի մարմին Պօղոս ք[ա]հ(ա)ն[ա]յի | որդոյ Տ[է]ր Յոհաննէսի. սա ձեռն[ա]դր[ւ]եց[ա]ւ 1851 1 սեպ[տեմբե]րի | եւ վախճանն ի 1882 ամի 23ն փետրվ[ար]ի. տապանս այս առե[ա]լ է սր[ա]՞ որդի տ[է]ր Իսրայէլին աշխատանքի․ հ[ա]նգ[ու]ց[ե]լ|ոյս ծնունդն եղև 1817-ի․ հ[ո]գի սր[ա]՞ Տ[է]ր արա արք[ա]յ[ութ]ե[ա]ն ․․․ »։
Տապանաքարի արևելյան նիստին՝ գծանախշ, իսկ արևմտյան նիստին՝ ծաղկած խաչի խաչաքանդակներ են։ Կերտված է սպիտակ կրաքարից։
Պատմական տեղեկանք
Մշակութային պատկանելությունը, դարաշրջանը, դարը (դարերը)
Հայ Առաքելական Եկեղեցի, 19-րդ դար
Թվագրման հիմնավորում` ըստ վիմագրության
Ըստ տապանագրի
Հուշարձանի ժամանակագրական աղյուսակը
Շիրմաքարը կանգնեցվել է 1882-1883 թթ․։ Իր սկզբնական տեղում պահպանվել է մինչև 2023 թվականը։ Գյուղը 2023 թվականի սեպտեմբերի 20-ին բռնազավթվել է Ադրբեջանի կողմից։ Հուշարձանի ներկայիս վիճակն անհայտ է։
Նկարագրական-բնութագրական տեղեկանք
Շինանյութը (տեսակը, գույնը)
Սպիտակ կրաքար Տիպը
Սեղանաձև տապանաքար Պահպանվածությունը`
Լավ Արժևորումը
Կարևոր է Արցախի Ասկերանի շրջանի, ինչպես նաև Կարմիր գյուղի հոգևոր ժառանգության ու պատմության ուսումնասիրության համար։ Լուսանկարներ
...
.
Ա․Հ․, Ս․Դ․