Ծովատեղ, Սուրբ Աստվածածին եկեղեցի, խաչքար № 3
Հուշարձան
Տիպային անվանումը
Խաչքար Օգտագործումը՝ սկզբնական, հաջորդական և ժամանակակից
Խաչքարն ամենայն հավանականությամբ կերտվել է 11-12-րդ դարերում։ 2023 թվականի սեպտեմբերից Ծովատեղ գյուղը բռնազավթված է Ադրբեջանի կողմից։ Խաչքարի ներկայիս վիճակի մասին տեղեկություններ չկան։
Պահպանման միավորի անվանումը
Խաչքար Տեղագրական տեղեկանք
Շրջանը (գավառ), համայնքը
Մեծ Հայք, Արցախ աշխարհ, Մյուս Հաբանդ գավառ։ Հետագայում ընդգրկվել է Վարանդա գավառի և համանուն մելիքության կազմում։ 1991-2020 թթ․՝ Արցախի Հանրապետություն, Մարտունու շրջան, Ծովատեղ։
Հեռավորությունը և դիրքը բնակավայրից
Գտնվում է Ծովատեղ գյուղի կենտրոնում՝ Սուրբ Աստվածածին եկեղեցու արևմտյան պատի ստորին հատվածում։
Տեղանքի բարձրությունը ծովի մակերևույթից
Բարձր է ծովի մակերևույթից 900 մ։ Նկարագրություն
Ագուցված է Սուրբ Աստվածածին եկեղեցու արևմտյան կողմում՝ ավելի վաղ կառուցված սրբատեղիի պահպանված պատի ստորին հատվածում։
Չափերով ոչ մեծ այս խաչքարի կենտրոնական հատվածում քանդակված է մեծածավալ խաչը՝ ընդգրկված եռապարան, հյուսվածազարդ շրջանակի մեջ։ Խաչարմատից դեպի աջ և ձախ է բարձրանում մեկական արմավաճյուղ։ Ուշագրավ են հորիզոնական և ուղղահայաց վերին խաչաթևերի ծայրերը պսակող բողբոջածայր գնդերը։
Խաչարմատից ցած պատկերված է ամբողջահասակ, երկար հանդերձով, դիմահայաց կանգնած, ձեռքերի և ոտքերի շարժումով դեպի ձախ ուղղված մարդկային կերպար, որի գլուխը ծածկված է սուր ծայրով և երկու կողմերից դեպի ուսերն իջնող գլխարկով։
Խաչքարի վերին հատվածը ջարդված է, սակայն տեսանելի է արձանագրության հետևյալ հատվածը․ «․․․․ (կա)նգնեցի ․․․․»։
Պատմական տեղեկանք
Մշակութային պատկանելությունը, դարաշրջանը, դարը (դարերը)
Հայ Առաքելական Եկեղեցի, 11-12-րդ դարեր
Թվագրման հիմնավորում՝ ըստ պատկերագրության
Ըստ ոճական և պատկերագրական առանձնահատկությունների և համեմատական վերլուծության։ Նկարագրական-բնութագրական տեղեկանք
Շինանյութը (տեսակը, գույնը)
Ավազաքար (սպիտակամոխրագույն)
Պահպանվածությունը`
Միջին Արժևորումը
Կարևոր նշանակություն ունի Արցախի խաչքարարվեստի, ինչպես նաև Ծովատեղ գյուղի հոգևոր կյանքի ուսումնասիրության համար։
Լուսանկարներ
...
.
Գ․Բ․, Ա․ Լ-Ե․