Լուսանկարը՝ «Հունոտի կիրճ» պետական բնապատմական արգելոցի
Հունոտի կամուրջ
Հուշարձան
Տիպային անվանումը
Կամուրջ Հատուկ անունը
Հունոտի կամուրջ Օգտագործումը՝ սկզբնական, հաջորդական և ժամանակակից
Կառուցվել է 18-րդ դարում, օգտագործվել մինչև 2020 թվականի սեպտեմբերը։
Պահպանման միավորի անվանումը
Կամուրջ
Տեղագրական տեղեկանք
Շրջանը (գավառ), համայնքը
Հունոտի տարածքը գտնվում է պատմական Մեծ Հայքի Արցախ աշխարհի Հարճլանք և Մյուս Հաբանդ գավառների սահմանային հատվածում։ Հետագայում Վարանդա գավառի և համանուն իշխանության մաս է կազմել։ 19-րդ դարից ընդգրկվել է Ելիզավետպոլի նահանգի Շուշի գավառի կազմում։ Հունոտ գյուղը ապաբնակեցվել է 1930-ականներին։
Տեղանքի բարձրությունը ծովի մակերևույթից
Բարձր է ծովի մակերևույթից 969 մ։ Ջրագրությունը
Գտնվում է Կարկառ գետի վրա: Նկարագրություն
Հունոտ գյուղը գտնվում է Արցախի Հանրապետության Շուշիի շրջանում` Հունոտ գյուղատեղիի արևելյան եզրին՝ Կարկառ գետի վրա: Կամուրջն ի սկզբանե նախատեսվել և կառուցվել է հետիոտնի և սայլակառքի համար։ Այն Շուշին Վարանդայի իշխանության կենտրոն Ավետարանոցին, ավելի հարավ՝ Դիզակի իշխանանիստ Տողին, ինչպես նաև Հադրութ ավանին կապող կարևոր ճանապարհային հանգույցներից մեկն է եղել։
Միաթռիչք, կամարակապ քարե կամուրջ է, որի խելերը հիմնված են բնական ժայռերին։ Կառուցված է կրաքարով, գետաքարով և կրաշաղախով, սրբատաշ քարերով են շարված միայն կամարների անկյունաքարերը։ Անցուղին ունի գրեթե 20 մ երկարություն և 4 մ լայնություն։ Թռիչքի երկարությունը կազմում է 5,87 մ։ Կամրջի խելերի հիմնապատերը հենված են գետից բարձր, բնականից պաշտպանված հսկա ժայռազանգվածների վրա։ Ձախափնյա ժայռազանգվածը գտնվում է ավելի բարձր դիրքում, ինչի պատճառով կամրջի կամարակապ թռիչքը ձախից գրեթե ձուլվում է ժայռին։
2019-20 թթ․ կամուրջը վերանորոգման փուլում էր։ Անավարտ մնաց 2020 թվականի սեպտեմբերի 27-ի ադրբեջանական ագրեսիայի պատճառով։
Պատմական տեղեկանք
Մշակութային պատկանելությունը, դարաշրջանը, դարը (դարերը)
Վարանդայի իշխանություն, 18-րդ դար
Թվագրման հիմնավորում՝ ըստ պատկերագրության
Ըստ շինարարական և ճարտարապետական առանձնահատկությունների Հուշարձանի ժամանակագրական աղյուսակը
Կառուցվել է 18-րդ դարում և իր նպատակին ծառայել մինչև 2020 թվականը։ Հետագայում տարածքը բռնազավթվել է Ադրբեջանի կողմից։ Հուշարձանի ներկայիս վիճակի մասին տեղեկություններ չկան։
Հուշարձանի ուսումնասիրման ժամանակագրական աղյուսակը (ժամանակը, հեղինակը, աշխատանքները)
Հուշարձանն ուսումնասիրել և չափագրել է Սամվել Կարապետյանը1։
Նկարագրական-բնութագրական տեղեկանք
Ճարտարապետական մաս՝ ճարտարապետական հորինվածքը
Կամարակապ, միաթռիչք
Շինանյութը (տեսակը, գույնը)
Կրաքար, կրաշաղախ
Հարդարանքը
Զուսպ
Չափերը` երկարությունը
20,1 մ (անցուղու երկարությունը) Չափերը` լայնությունը
4,05 մ (անցուղու լայնությունը) Չափերը` բարձրությունը
Գետից բարձր է 8,10 մ: Թռիչքի երկարությունը
5,87 մ Պահպանվածությունը`
Միջին Արժևորումը
Կամուրջը 18-19-րդ դարերում կարևոր տնտեսական և ռազմավարական նշանակություն է ունեցել։ Այն Շուշին Վարանդայի իշխանության կենտրոն Ավետարանոցին և ավելի հարավ՝ Դիզակին կապող կարևոր ճանապարհային հանգույցներից մեկն է եղել։ ----------------------------
1Կարապետյան Ս․, 2009, էջ 92։
Չափագրություններ
Հունոտի կամուրջը
Չափագրությունը՝ Սամվել Կարապետյանի
Կարապետյան Ս․, Արցախի կամուրջները, Երևան, 2009։
Լուսանկարներ
...
Հիմնական մատենագիտություն
Կարապետյան Ս․, 2009 - Կարապետյան Սամվել, Արցախի կամուրջները, Երևան, 2009։ .
Ա․ Հ․, Ս․ Դ․