Քարագլուխ (Հադրութ), Սուրբ Հովհաննես Կարապետ եկեղեցի

Լուսանկարը՝ Մաքսիմ Աթայանցի

Հադրութի շրջան, Քարագլուխ

Հուշարձան

Տիպային անվանումը

Եկեղեցի

Հատուկ անունը

Սուրբ Հովհաննես Կարապետ

Այլ անվանումներ

Չունի

Օգտագործումը՝ սկզբնական, հաջորդական և ժամանակակից

Կառուցվել է 2013 թվականին և գործել է մինչև 2020 թվականի հոկտեմբերը։

2020 թվականի հոկտեմբերից Քարագլուխը բռնազավթված է Ադրբեջանի կողմից։ Հուշարձանի վիճակի մասին տեղեկություններ չկան։

Սկզբնական պատկանելությունը

Քարագլուխ գյուղ

Պահպանման միավորի անվանումը

Եկեղեցի

Տեղագրական տեղեկանք

Շրջանը (գավառ), համայնքը

Արցախի Հանրապետություն, Հադրութի շրջան, Քարագլուխ։

Տեղագրությունը

Գտնվում է Հադրութ քաղաքից 9 կմ հարավ-արևմուտք՝ Քարագլուխ գյուղում։

Հեռավորությունը և դիրքը բնակավայրից

Գտնվում է Քարագլուխ գյուղի արևելյան եզրամասում։

Տեղանքի բարձրությունը ծովի մակերևույթից

Բարձր է ծովի մակերևույթից 1082 մ։

Նկարագրություն

Հադրութի շրջանի նորակառույց եկեղեցիներից է։ Շինարարությունը սկսվել է 2011 թվականին, ավարտվել` 2013-ին։ Oծվել է նույն թվականի սեպտեմբերի 5-ին։ Կառուցման գաղափարը ծնունդով քարագլխեցի, սանկտպետերբուրգաբնակ ճարտարապետ Մաքսիմ Աթայանցինն է, որը հեղինակել է եկեղեցու նախագիծը և հոգացել շինարարության ֆինանսական ծախսերը։ Եկեղեցին նվիրված է Քարագլուխ գյուղի վերածննդին և Աթայանց տոհմի հիշատակին։

Եկեղեցին կառուցված է եռաստիճան հիմնախարսխի վրա։ Արտաքուստ՝ քառանկյուն (6x6 մ), ներքուստ խաչաձև կենտրոնագմբեթ հորինվածք է։ Կառուցված է վարդագույն սրբատաշ տուֆով։ Միակ մուտքը բացվում է արևմուտքից։ Լուսավորվում է 14 լուսամուտներից։ Տասը բացվում են եկեղեցու ճակատներին, որոնցից մեկը՝ արևելյան, երեքական՝ արևմտյան, հարավային, հյուսիսային ճակատներին։ Եվս չորս կլոր լուսամուտներ տեղադրված են ութանիստ թմբուկի արևելյան, արևմտյան, հարավային և հյուսիսային նիստերին։ Մուտքի և լուսամուտների հարդարանքը առանձնանում է բուսական գեղեցիկ զարդաքանդակ պսակներով։

Պատմական տեղեկանք

Մշակութային պատկանելությունը, դարաշրջանը, դարը (դարերը)

Հայ Առաքելական Եկեղեցի, 21-րդ դար

Թվագրման հիմնավորում` ըստ վիմագրության

Եկեղեցու մուտքի բարավորին փորագրված է կառուցման և նվիրատվական արձանագրությունը։

Հեղինակը (հեղինակները)- անունը, ազգանունը, մասնագիտությունը

Մաքսիմ Աթայանց, ճարտարապետ

Հուշարձանի ժամանակագրական աղյուսակը

Հիմնվել է 2011 թվականին, օծվել 2013-ին։ 2020 թվականի հոկտեմբերից բռնազավթվել է ադրբեջանական բանակի կողմից։

Նկարագրական-բնութագրական տեղեկանք

Ճարտարապետական մաս՝ ճարտարապետական հորինվածքը

Եկեղեցին պատկանում է խաչաձև գմբեթավոր հորինվածքով եկեղեցիների տիպին։

Դեկորատիվ մոնումենտալ արվեստի մաս՝ հորինվածքը, գունային լուծումները

Հուշարձանն առանձնանում է իր դեկորատիվ հարուստ հարդարանքով։ Բոլոր բացվածքները, ինչպես նաև խորշերը պսակվում են գեղեցիկ զարդաքանդակ գոտիներով։ Ուշագրավ են նաև եկեղեցու չորս ճակատներին քանդակված մեծադիր խաչքարային հորինվածքները։ Գմբեթի ութանիստ թմբուկը ստորին հատվածում երիզված է նեղ զարդագոտով։ Եկեղեցու արևմտյան արտաքին պատին՝ մուտքից ձախ, քանդակված է խաչապատկեր, և փորագրված է շինարարի հիշատակարան արձանագրությունը․ «Այս է | խաչս | ի | հիշատակ | եկեղեցուս | վաղամեռիկ | շինարար | Գրիգոր | Վարդանյանի | վերջին | նվիրումի»։

Շինանյութը (տեսակը, գույնը)

Վարդագույն սրբատաշ տուֆ

Բացվածքները` Մուտքերը (քանակը, կողմնորոշումը)

Միակ մուտքը բացվում է արևելյան կողմից։

Բացվածքները` Լուսամուտները (քանակը, կողմնորոշումը)

14 լուսամուտ (2 արևելյան, 4 արևմտյան, 4 հյուսիսային և 4 հարավային կողմերում)

Տանիքը (նյութը, ձևը)

Տանիքը պատված է քարե ծածկասալերով։

Տիպը

Արտաքուստ՝ քառանկյուն, ներքուստ՝ խաչաձև կենտրոնագմբեթ եկեղեցի։

Չափերը` երկարությունը

6 մետր