Սխտորաշեն, Տնջրուն աղբյուր
Հուշարձան
Տիպային անվանումը
Աղբյուր Հատուկ անունը
Տնջրուն աղբյուր Այլ անվանումներ
Տնջրի ծառի աղբյուր Օգտագործումը՝ սկզբնական, հաջորդական և ժամանակակից
Կառուցվել է 1898 թվականին և անխափան գործել մինչև 2023 թվականի սեպտեմբերը։ Այնուհետև գյուղը բռնազավթվել է Ադրբեջանի կողմից։ Հուշարձանի ներկայիս վիճակի մասին տեղեկություններ չկան։
Սկզբնական պատկանելությունը
Սխտորաշեն Տեղագրական տեղեկանք
Շրջանը (գավառ), համայնքը
Մեծ Հայք, Արցախ աշխարհ, Մյուս Հաբանդ գավառ։ Հետագայում ընդգրկվել է Վարանդա գավառի և համանուն մելիքության կազմում։ 1991-2023 թթ․՝ Արցախի Հանրապետություն, Մարտունու շրջան, Կարմիր շուկա։
Հասցե
Արցախի Հանրապետություն, Մարտունու շրջան, Կարմիր Շուկա, Սխտորաշեն գյուղատեղի։
Տեղագրությունը
Գտնվում է Մարտունի քաղաքից 17 կմ հարավ։
Հեռավորությունը և դիրքը բնակավայրից
Գտնվում է Սխտորաշեն գյուղատեղիից 800 մ հարավ-արևելք, Հին Սխտորաշեն գյուղատեղիում։
Տեղանքի բարձրությունը ծովի մակերևույթից
Բարձր է ծովի մակերևույթից 905 մետր: Ջրագրությունը
Գտնվում է Վարանդա գետի հովտում։ Նկարագրություն
Սխտորաշեն գյուղատեղիի տարածքում, հռչակավոր Տնջրի ծառի մոտ պահպանվել է մի աղբյուր, որը կառուցվել է բնական ակունքի տեղում։ Աղբյուրի ստորին հատվածները երեսպատված են սրբատաշ կրաքարով։ Բաղկացած է 16 մետր երկարությամբ երկայնական ետնապատից և առջևում գտնվող նովից (գուռ)։ Աղբյուրն ունի երեք փոքր գռերով ծորակներ, որոնք չեն պահպանվել։ Կենտրոնական ծորակի վերնամասում՝ ետնապատին ագուցված սալի վրա փորագրված է․ «Կառուցաք աղբիւրս Տ[է]ր | Յովհաննէս Կիսիբէկի[ե]նց | Ներսես Մուսաելեան | Մանաս Գասպարեան»։
Լուսանկարը՝ Արմինե Հայրապետյանի
Պատմական տեղեկանք
Մշակութային պատկանելությունը, դարաշրջանը, դարը (դարերը)
19-րդ դար (1898թ․)
Նկարագրական-բնութագրական տեղեկանք
Չափերը` երկարությունը
16 մ Չափերը` բարձրությունը
2 մ Պահպանվածությունը`
Լավ Արժևորումը
Կարևոր նշանակություն ունի Վարանդա գավառի, ինչպես նաև Սխտորաշեն գյուղի պատմության և հասարակական կյանքի ուսումնասիրության համար։ Լուսանկարներ
...
Հիմնական մատենագիտություն
Մկրտչյան Շ․, 1985 - Մկրտչյան Շահեն, Լեռնային Ղարաբաղի պատմաճարտարապետական հուշարձանները, Երևան, 1985։
.
Գ․Բ․