Կանգնեցվել է 1960-ականներին`¹ ի հիշատակ 1941-1945 թթ․ Հայրենական մեծ պատերազմում զոհված Մյուլքուդարա (Ջրաբերդ) գյուղի բնակիչների։ Հուշարձանն իր նշանակությունը պահպանել է մինչև 1991 թվականը։ 1991-1993 թթ․ «Օղակ» գործողության ժամանակ գյուղը բռնազավթվել և ավերվել է ադրբեջանական ոստիկանության զորքերի կողմից։ Ռազմական գործողությունների ժամանակ վնասվել է նաև Հայրենական պատերազմում զոհվածների հուշարձանը։ Անկախության շրջանում հուշարձանն ընդգրկվել է Արցախի պատմամշակութային կոթողների պետական ցանկում։ 2020 թվականի հոկտեմբերից Ջրաբերդը կրկին բռնազավթվել է ադրբեջանական զորքերի կողմից։ Հուշարձանի ներկայիս վիճակի վերաբերյալ տեղեկություններ չկան։

Պատմական Մեծ Հայքի Արցախ աշխարհի Սիսական ի Կոտակ գավառ (հետագայում՝ Դիզակի մելիքություն), մինչև 2020 թ․՝ Արցախի Հանրապետություն, Հադրութի շրջան, Ջրաբերդ։

Արցախի Հանրապետություն, Հադրութի շրջան, Ջրաբերդ

Գտնվում է շրջկենտրոն Հադրութ քաղաքից 9,5 կմ հարավ-արևմուտք՝ Քարագլուխ գյուղում։

Գտնվում է Ջրաբերդ գյուղի հյուսիսարևմտյան հատվածում։

Մինչև 2020 թվականի սեպտեմբերը Ջրաբերդ գյուղի հյուսիսարևմտյան եզրին դեռևս կանգուն էր Խորհրդային տարիներին կանգնեցված Հայրենական պատերազմում զոհվածների գրանիտե հուշակոթողը։ Հուշարձանը բաղկացած էր երեք հիմնական հատվածից՝ խարսխից, կամարազարդ պատվանդանից և քառակող, բրգաձև գագաթով կոթողից։ 

Խարիսխը և պատվանդանը կերտվել են դարչնագույն, իսկ կոթողը՝ լաբրադորիտ տեսակի սև գրանիտից։ Պատվանդանի նիստերին պատկերված են Խորհրդային բանակի հնգաթև աստղը և միութենական դրոշը, իսկ ստորին հատվածում փորագրված են պատերազմում զոհվածների անունները։

ԽՍՀՄ, 1960-ական թթ․