Խնձրիստան, Մելիքի կամուրջ

Ասկերանի շրջան, Խնձրիստան

Հուշարձան

Տիպային անվանումը

Կամուրջ

Հատուկ անունը

Մելիքի կամուրջ

Օգտագործումը՝ սկզբնական, հաջորդական և ժամանակակից

Կառուցվել է 18-րդ դարի կեսերին, օգտագործվել է մինչև 2023 թվականի սեպտեմբերը։ Այնուհետև գյուղը բռնազավթվել է Ադրբեջանի կողմից։ Հուշարձանի ներկայիս վիճակի մասին տեղեկություններ չկան։

Սկզբնական պատկանելությունը

Խնձրիստան գյուղ

Պահպանման միավորի անվանումը

Կամուրջ

Տեղագրական տեղեկանք

Շրջանը (գավառ), համայնքը

Մեծ Հայք, Արցախ աշխարհ, Հարճլանք գավառ (հետագայում՝ Խաչենի իշխանություն և համանուն մելիքություն)։ 1991-2023 թթ․՝ Արցախի Հանրապետություն, Ասկերանի շրջան, Խնձրիստան։

Հասցե

Արցախի Հանրապետություն, Ասկերանի շրջան, Խնձրիստան

Տեղագրությունը

Գտնվում է Ասկերան քաղաքից 12,8 կմ արևմուտք։

Հեռավորությունը և դիրքը բնակավայրից

Գտնվում է Խնձրիստան գյուղի արևմտյան եզրին։

Տեղանքի բարձրությունը ծովի մակերևույթից

Բարձր է ծովի մակարդակից 944 մ։

Նկարագրություն

18-րդ դարի կեսերին Խնձրիստանի տանուտեր և հետագայում Խաչենի մելիք Միրզախանը Խնձրիստան գյուղի արևմտյան եզրով հոսող առվի վրա կառուցել է քարաշեն մի կամուրջ՝ նախատեսված հետիոտնի և սայլակառքերի համար։ Տեղացիները, ի պատիվ կառուցողի, այն անվանում են Մելիքի կամուրջ, իսկ թաղամասը` Մելիքանց թաղ։

Այն կամարակապ, միաթռիչք կամուրջ է՝ կառուցված տեղական կոպտատաշ քարերով և կրաշաղախով։ Թռիչքի երկարությունը կազմում է 5,15 մ, բարձրությունը՝ 7,80 մ։ Կամուրջը հիմնված է բնական ժայռերի վրա։ Թռիչքն իրականացված է սլաքաձև լայն կամարով։ 20-րդ դարի առաջին կեսին կամրջի 4,80 մ լայնությամբ անցուղին ընդլայնվել է 1,30 մ-ով, ինչի արդյունքում բարելավվել է տրանսպորտային երթևեկությունը:

Պատմական տեղեկանք

Մշակութային պատկանելությունը, դարաշրջանը, դարը (դարերը)

Խաչենի մելիքություն, 18-րդ դար

Թվագրման հիմնավորում՝ ըստ պատկերագրության

Ըստ ճարտարապետական ոճի և շինարարական լուծումների

Հուշարձանի ժամանակագրական աղյուսակը

Կառուցվել է 18-րդ դարում։ 20-րդ դարի առաջին կեսին տրանսպորտային միջոցների երթևեկության համար կամուրջը լայնացվել է։

Հուշարձանի ուսումնասիրման ժամանակագրական աղյուսակը (ժամանակը, հեղինակը, աշխատանքները)

Հուշարձանն ուսումնասիրել է հուշարձանագետ Սամվել Կարապետյանը և մանրամասները ներկայացրել իր «Արցախի կամուրջները» (2009) գրքում¹։

Նկարագրական-բնութագրական տեղեկանք

Ճարտարապետական մաս՝ ճարտարապետական հորինվածքը

Միաթռիչք, կամարակապ